حقق حلم حياتك.. وظيفة بائع في مجموعة إبراهيم القرشي بالسعودية براتب مجزي جدا.. تقدم للوظيفة فورا

تداول رواد مواقع التواصل الاجتماعي، صورة لرجل وهو يصلي صلاة عيد الأضحى وهو يركب عجلة خاصة به، في مدينة المحلة الكبرى بمحافظة الغربية.

وأثارت الصورة لغطًا كبيرًا على مواقع التواصل الاجتماعي عقب دقائق من نشرها، حيث انتشرت بشكل فيروسي وسط تعليقات كثيرة غير مؤيدة لفعل الرجل إضافة إلى شيء من السخرية منه.

وقالت ابنة الرجل إن والدها عاش أزمات ومشاكل صحية واجتماعية نتيجة نشر هذه الصورة وانتشارها بشكل واسع على مواقع التواصل الاجتماعي، مضيفة “أنا من مدينة المحلة الكبرى والدي كان بيصلي صلاة العيد في مساكن شركة مصر، وكان راكب العجلة بتاعته بيصلي عليها، وفي شاب صوره، حرفيًا احنا اتفضحنا أنا وإخواتي بسبب الصورة دي، ونزلت على شبكة أخبار المحلة، كلمنا الشاب اللي منزلها وحذفها، بعدها أحد المعارف لقيناه بيكلمنا بيقولنا دي نازله على المحلة مباشر".

موضحة: “احنا بنات وكلنا متجوزين وإخواتي حصل بينهم وبين أزواجهم مشاكل وغضبه في بيت أهلي عشان أهالي أزواجهم قعدوا يتريقوا ويضحكوا، وطبعًا حاجه تمس كرامتنا، حصلت مشاكل وحاليًا أخت من إخواتي واقفة على الطلاق بسبب الموضوع ده، وبابا ميقصدش يعمل حاجه زي دي، هو كان خايف العجلة تتسرق، كلمت الشاب اللي ماسك إدارة الصفحة بتاعت المحلة مباشر بس مردش وعملي بلوك".

وأشارت قائلة: "للأسف المحلة صغيرة واحنا مش عارفين نشيل الصورة دي ازاي، والدي جاتله جلطة نصف جسمه الشمال مش بيتحرك بسبب الصورة من كتر التليفونات اللي جات من المعارف والقرايب والمشاكل اللي حصلت في بيوت إخواتي، واحنا في المستشفى من الساعة 4 بسبب اللي حصل" .